वार्ताहर:- – डॉ. युवराजभट्टराई 🟰तमिलनाडुराज्ये विरुदनगरे एकस्याम् अग्निक्रीडनकानां निर्माण्यां विस्फोट:, श्रमिकद्वयं मृतम् ▪️ 🟰छत्तीसगढस्य जांजगीरचांपा-मध्ये विषाक्तवात्या: स्रावेण पञ्च जना: मृता:। इमे जनाः कूपे पतितानां काष्ठानां खण्डानां निष्कासनार्थं गता: अवर्तन्त। परन्तु पुनर्नैवायाता:▪️ 🟰उत्तरप्रदेशस्य हरदोई-मध्ये भीषणा मार्गीया दुर्घटना। जनपदस्य बिलग्राम-माधौगंज-मार्गे अनियन्त्रितं तीव्रगतिकं बसयानं एकस्मिन् लघुकुटीरे निविष्टम्। दुर्घटनायां चत्वारो जना: मृत्युमुपगता:। मृतकेषु तिस्र: महिला: सन्ति सम्मिलिताः▪️ 🟰 सन्तु प्रणामाः उत्तराखण्डाय! जम्मू-कश्मीरस्य कठुआ मध्ये सोमवासरे दुरापन्ने अतङ्क्याक्रमणे हुतिंगता: समेSपि पञ्च भटा: उत्तराखण्डस्य सन्ति▪️ 🟰पुरी जगन्नाथधामनि प्रभुबलभद्रस्य रथादवतरणसमये दुर्घटना, पञ्च सेवका: गम्भीरतया व्रणिताः, व्रणिताः सेवकाः उपचारार्थं चिकित्सालये सन्निविष्टा: ▪️ 🟰 कठुआ आतङ्क्याक्रमणस्य अन्वीक्षणस्य दायित्वं NIA अभिकरणाय प्रदत्तम्, विशेषं दलं प्राप्तं घटनास्थलम् ▪️ 🟰मुकेश अम्बानीवर्येण वृन्दावने ठक्कुराय श्रीबांकेबिहारिणे प्रेषितम् अनन्तस्य विवाहस्य निमन्त्रणम्, आशीर्वादस्य कृता कामना▪️ 🟰बॉलीवुड चलच्चित्रोद्योगस्य राखीत्यस्या: निधनस्य प्रसृता: मृषापलापा: , पुत्र्याः मेघनया पारिवारिकं चित्रं विनिमयीकृतम् ट्रोल्स इति कर्तृजनानां मुखं जातं पिहितम् ▪️ 🟰हिमाचल प्रदेशे त्रिषु विधानसभा क्षेत्रेषु देहरा-हमीरपुर-नालागढेषु उप निर्वाचनार्थं मतदानम् अद्य, त्रयोदश्याम् आयास्यन्ति परिणामाः ▪️ 🟰ब्राजील देशस्य साओ पाउलो नगरे भयंकरी मार्गीया दुर्घटना, बसयानद्वयस्य मिथः संघट्टे पञ्चजनानां मृत्यु:▪️ 🟰हरियाणा-प्रशासनेन छात्रेभ्यः कृता बृहती घोषणा, रोडवेज-बस-यानेषु छात्रेभ्य: 150KM पर्यन्तम् उपपादयिष्यते बस-पास इति यात्रापत्रकस्य सौविध्यम् ▪️ 🟰रूसदेशीय-सैन्यबले निरुद्धानां भारतीययुवकानां भारते प्रत्यावर्तनार्थं प्रधानमन्त्रिण: मोदिन: रूसदेशीयप्रधानमन्त्रिण: पुतिनस्य मध्ये सञ्जातसम्भाषणस्य अनन्तरं रूसद्वारा भारतीयानां स्वदेशप्रत्यावर्तनस्य सुविधाप्रदानस्य निर्णय: स्वीकृत:, यस्य अनन्तरं युवकानां परिवारेषु प्रसन्नताया: लहरी वर्तते▪️ 🟰 हरियाणायां भाजपा-दलस्य नूतन: प्रदेशाध्यक्ष: निर्वाचितः मोहनलाल: बड़ौली▪️ 🟰जम्मू-कश्मीरस्य किश्तवाड-मध्ये बृहती दुर्घटना; कारयानं खातौ निपतितम्। येन एकस्यैव परिवारस्य चत्वारो जना: पञ्चतां प्राप्ताः ▪️ 🟰 दिल्ल्याम् आगामि पञ्चदिनपर्यन्तं मेघा: नर्तिष्यन्ति वर्षिष्यन्ति च , ऋतुविज्ञानविभागेन प्रख्यपिता सञ्चेतना▪️

वार्ताहारक: प्रसारकश्च – डॉ. युवराज: भट्टराई 🟰पेरिस ओलंपिक इति क्रीडामहाकुम्भ: 2024, गौतम अडानी वर्येण भारतीयदलाय प्रदत्ता: शुभकामना:, निगदितं यत्- अहं विश्वसिमि अस्मिन् वर्षे भूरि पदकानि आयास्यन्ति▪️ 🟰 दश वर्षेषु प्रधानमन्त्रिण: श्रीमोदिन: पुतिनस्य चास्तीदं षोडशकृत्व: सम्भाषणम्. अस्य विगतं सम्भाषणं समरकंद मध्ये 2022 तमे वर्षे सम्पन्नमासीत्▪️ 🟰 आगामि दिनचतुष्टये जलमग्ना भविष्यति दिल्ली, उत्तरप्रदेशे बिहारे चापि, IMD इति ऋतु विज्ञानविभागस्य सुरक्षासञ्चेतना धारासारत्वेन वर्षिष्यन्ति मेघा:▪️ 🟰 केरलस्य त्रिशूर जनपदे अफ्रीकीय “स्वाइन फीवर” इत्याख्यस्य ज्वरस्य संक्रमणेन मारिता: 310 मिता: शूकरा: ▪️ 🟰 केवलं 24 होराभ्यन्तरे गौतम गम्भीर: भविष्यति भारतीय-क्रिकेट-दलस्य नूतन: प्रशिक्षक: कोच:! BCCI अभिकरणं करिष्यति घोषणा▪️ 🟰उत्तरप्रदेशे नेपाल देशे जाताया: अतिवृष्टे: कारणेन कुशीनगरस्य सप्त-ग्रामा: पूर्णरूपेण सन्ति जलमग्ना:, NDRF इति आपदुद्धारबलेन 40 सहस्रमिता: तोयप्लवपीडिताः जना: सुरक्षिताः▪️ 🟰इंडोनेशियादेशे भूस्खलनस्य कारणेन स्वर्णधातो: खानौ निपीडिता: भूरि श्रमिकजना: , द्वादश जनानां मृत्युः, 48 जनाश्च सूच्यन्ते विलुप्ता:▪️ 🟰 मुंबईवासिनां कृते महार्घताया: अपरः कष्टपात:, CNG PNG इतीन्धनस्य मूल्यम् एधितम्, सम्प्रति उपभोक्तृजनैः नूतनमूल्यस्य अनुसारेण एककिलोग्राममिताय CNG कृते 75 रूप्यकाणि PNG कृते च 48 रूप्यकाणि भविष्यन्ति प्रदेयानि▪️ 🟰 जलमयमेव जातं मुंबईमहानगरम्, सुरक्षादृशा प्रख्यापिता रेड अलर्ट इत्याख्या शोणसञ्चेतना, रेल-विमान-सेवा: दुष्प्रभाविता:▪️ 🟰फ्रांसनिर्वाचनेषु वाम दालानां विजय: , राष्ट्रपते: मैक्रों इत्यस्य दलं पराभूतम्, पेरिस-नगरं समेत्य भूरि नगरेषु हिंसाया: भीषणताण्डव: ▪️ 🟰 कश्मीर टाइगर्स इत्याख्येन आतङ्किगुल्मेन स्वीकृतं कठुआ आतङ्क्याक्रमणस्य दायित्वं, यस्मिन् आतङ्क्याक्रमणे सैन्यबालस्य पञ्च भटा: आसन् हुतिंगता:▪️ 🟰 कांवड़यात्राया: कारणेन चलते जुलाई द्वाविंश्या: भारवाहियानेभ्य:, जुलाई सप्तविंश्या: च लघु वाहनेभ्यश्चापि पिहितो भविष्यति दिल्ली-मेरठ एक्सप्रेसवे इत्याख्यः द्रुत गामिमार्ग:▪️

अद्यारभ्य आन्ध्रप्रदेशस्य राजधानी न भविष्यति भाग्यनगरम्।

-जैनमोहित:। भाग्यनगरम् अद्यारभ्य जूनमासस्य द्वितीयदिनाङ्काद् आन्ध्रप्रदेशतैलङ्गराज्ययोः संयुक्ता राजधानी न भविष्यति। इदानीं केवलं तैलङ्गस्य राज्यस्य राजधानी एव भविष्यति। २०१४ ख्रिष्टाब्दस्य आन्ध्रप्रदेशपुनर्गठनाधिनियमान्तर्गतं…

राममन्दिरप्राणप्रतिष्ठा- समारोहम् अधिकृत्य————मल्लिकार्जुनखड्गेवर्याय निमन्त्रणे अप्राप्ते विश्वहिन्दूपरिषद्- अध्यक्षस्य प्रतिपादनम्–‘मया राममन्दिरकार्यक्रमस्य निमन्त्रणं दत्तम् आसीत्

राममन्दिरस्य प्राणप्रतिष्ठा समारोहस्य सज्जता सोत्साहेन प्रचलति। तत्र अपरपार्श्वे विपक्षी नेतारः निमन्त्रणस्य अप्राप्तेः प्रतिवादम् कृतवन्तः। कांग्रेस-अध्यक्षस्य मल्लिकार्जुनखड्गेवर्यस्य निमन्त्रणस्य अप्राप्तेः प्रतिपादनम् आधृत्य…

मध्यप्रदेशीयः जनजातिवर्गस्य विधायकः आंग्लभाषायां शपथवचनं उक्तवान्।

प्रदेशस्य षोडशीविधानसभायाः कृते नवनिर्वाचितानां विधायकानां शपथ-प्रक्रिया प्रचलति। प्रथमे दिने २०७ विधायकाः शपथ -वचनम्, उक्तवन्तः। येषु द्वादशविधायकाः एतादृशाः ये हिंदी वा…

भारतम् अरबसागरे साहाय्यार्थम् आगच्छति

वार्ताहर:- आर्यनकुमारप्रसादः। अरबसागरे दिसम्बरमासस्य चतुर्दशे भारतीयनौकादलः सोमालियासमुद्रयायीदस्य्वभियातम् मलटादेशस्य नौयानम् साहाय्यमकरोत् | भारतीयनौकादलस्य नौयानानि विमानमपि च जापानस्पेन्देशयोः नौकादलौ चापि कार्येस्मिन् गृहीतवन्तः…

संस्कृतं मानवतायाः पाठं पाठयति – डॉ.अरविन्दकुमारतिवारी

वार्ताहर:-सचिनशर्मा।मोदीनगर।गाजियाबाद।उत्तरप्रदेशसंस्कृतसंस्थानेन संचालितस्य २० दिवसीयस्य ऑनलाइनसंस्कृतसम्भाषणवर्गस्य बौद्धिकसत्रस्य आयोजनं नवम्बरमासस्य १६ दिनाङ्के अभवत् । बौद्धिकसत्रस्य सञ्चालनं उत्तरप्रदेशसंस्कृतसंस्थानस्य प्रशिक्षकः सचिनशर्मामहोदयेन कृतम् ।बौद्धिकसत्रस्य आरम्भः…

रोशनबलूनिकवे: “छंदप्रसून”-काव्यसंग्रहस्य जातं भव्यलोकार्पणं

नैनीतालं। त्रिदिवसीय: “शिक्षकाणां राष्ट्रीयशैक्षिक: एवं सांस्कृतिकमहोत्सव:” पार्वतीप्रेमाजगातीसरस्वतीविहारे नैनीताले प्रारभत्। यत्र काव्यनिशासत्रे scert इत्यत: पूर्वनिदेशक: डा.गिरीशचन्द्रजोशी, प्रसिद्धरंगकर्मी डा0डी0एन0भट्ट:, डा0प्रद्युम्नभल्ला, प्रसिद्ध: नाट्यनिर्देशक:…

भारतविकासपरिषद्-कोटद्वारेण सामूहिकपरिणय: सम्पादित:

कोटद्वारं।भारतविकासपरिषद्कोटद्वारद्वारा रविवासरे पुण्यतमं कार्यं कृतं । सर्वे जानन्ति यत् कन्यादाने परोपकारयुक्तं कार्यं मंगलदानभावनया जना: कुर्वन्ति एव । अवसरेस्मिन् परिषद्द्वारा बहुबालिकानां…

नेपालदेशे संस्कृतकविसम्मेलनं

संस्कृत समाचार । नेपालदेशे डा. मुकुन्दप्रसादलामिछानेवर्यस्य संयोजकत्वे संस्कृतकविसम्मेलनं संजायते । एतदर्थं जयतु संस्कृतं इत्यनया संस्थया २०५५ तमविक्रमवर्षादेव प्रतिवर्षं संस्कृत-कविसम्मेलनं समायोज्यमानमस्तीति…

झटरीग्रामे पारम्परिकपरिवारसभा-समारोहसमिते: गोष्ठ्या: आयोजनं

जनपदपौडीगढ़वालस्य झटरीग्रामे पारम्परिकपरिवारसभासमारोहसमिते: गोष्ठ्या: आयोजनं रविवासरे अभवत्। डॉ. द्वारिकाप्रसादबलोदीवर्यस्य अध्यक्षतायां आयोजितसभायां पारम्परिकपरिवारसमागमसमारोहस्य रूपरेखा स्थापिता। अस्मिन् वर्षे २९, ३०, ३१ मे…

उत्तराखण्डसंस्कृत- शिक्षानियमावली शासनेन स्वीकृत:

।देहरादून। उत्तराखण्डसंस्कृतशिक्षाया: विशेषनियमावल्या: बहुसमयात् प्रतीक्षा आसीत् । बहुप्रयासानन्तरं सफलतायां संस्कृतविद्यालयमहाविद्यालयानां कृते शुभसूचना समागता । शासनेन संस्कृतशिक्षाया: कृते नियमावल्या: स्वीकृति: प्रदत्ता।…

उत्तराखण्डसंस्कृतशिक्षा-परिषद: 1579 संस्कृतछात्राणां परीक्षापरिणाम: 24.05.2023 दिनांके प्रकाश्यते।

• 8 अप्रैल 2023 दिनांकत: 21 अप्रैल 2023 दिनांकपर्यन्तं प्रदेशस्य 25 परीक्षाकेन्द्रेषु अभवत् परीक्षा । • 27 अप्रैल दिनांकत: 03…