महाशिवरात्रिः २०२५ फ़रवरी २६ तिथौ मन्त्रत्रयन्त्रसिद्धये वरदानरूपेणास्ति – “आचार्यदैवज्ञः”

देहरादूनम्। भक्तानां शिवं प्रति अपारम् उत्साहं विद्यते। महाशिवरात्रौ जागरणस्य आध्यात्मिकं वैज्ञानिकं च महत्त्वं वर्तते। अस्मिन वर्षे सौरमण्डले ग्रहाणां विशेषा स्थितिः अस्ति, यस्मात् अस्यां रात्रौ मन्त्राणां यन्त्राणां च सिद्धिः वरदानरूपा भवति।

उत्तराखण्ड-ज्योतिषरत्नः आचार्यः डॉ. चण्डीप्रसादघिल्डियालः कथयति यत् महाशिवरात्रिः २०२५ वर्षे फ़रवरीमासस्य २६ दिने, बुधवासरे सम्पद्यते। तस्य शुभमुहूर्तं निम्नवत् भवति—

फाल्गुनकृष्णचतुर्दशी तिथिः प्रारम्भः – २६ फ़रवरी २०२५ प्रातः ११:०८

समाप्तिः – २७ फ़रवरी २०२५ प्रातः ०८:५४

निशीतकालपूजामुहूर्तम् – २७ फ़रवरी, रात्रौ १२:०९ – १२:५९

शिवरात्रिपारणकालः – २७ फ़रवरी, प्रातः ०६:४८ – ०८:५४

रात्रिपूजायाः प्रथमः प्रहरः – सायं ०६:१९ – रात्रौ ०९:२६

द्वितीयः प्रहरः – रात्रौ ०९:२६ – १२:३४ (२७ फ़रवरी)

तृतीयः प्रहरः – १२:३४ – ०३:४१

चतुर्थः प्रहरः – ०३:४१ – ०६:४८

महाशिवरात्रेः धार्मिकं महत्त्वम्

महाशिवरात्रिदिने भगवान् शंकरः वैराग्यजीवनं परित्यज्य माता पार्वत्याः सहितः विवाहबन्धने बद्धः। अस्यां शुभरात्रौ माता पार्वती महादेवश्च रात्रौ भ्रमणं कुरुत:। अतः यः भक्तः अस्यां रात्रौ जागरणं कृत्वा महादेवस्य आराधनां करोति, तस्य सर्वे दुःखाः नश्यन्ति, सुखसंपदः च आगच्छन्ति।

महाशिवरात्रेः वैज्ञानिकं महत्त्वम्

ज्योतिषवैज्ञानिकः आचार्यः चण्डीप्रसाददैवज्ञः कथयति यत् महाशिवरात्रेः रात्रौ ब्रह्माण्डे ग्रहनक्षत्राणां विशेषा स्थिति: भवति। अस्मिन समये पृथिव्या: उत्तरगोलार्धः एवं स्थितः भवति यत् मानवस्य अन्तर्जातशक्तिः स्वयमेवोर्ध्वगामिनी भवति। अतः अस्यां रात्रौ ध्यानमुद्रायां स्थित्वा साधनां कर्तुं विशेषलाभः भवति।

यन्त्रसिद्धिः एवं तदुपयोगः

आचार्यश्री कथयति यत् अस्मिन वर्षे अस्यां रात्रौ अद्भुता अमृतबेला अस्ति, यत्र सन्तानप्राप्तिः, विवाहसिद्धिः, नौकरीप्राप्तिः, पदवृद्धिः, व्यापारवृद्धिः, राजनीतिकलाभः,
शत्रुनिवारणम्, दुष्टदृष्टिनाशनम्, इत्यादीनां मनोकामनानां पूर्त्यर्थं मन्त्रध्वनिं यन्त्रेषु परिवर्त्य विशिष्टयन्त्रसिद्धिः कारिता भविष्यति। तेषु सर्वमनोरथसिद्धियन्त्रं, मृत्युंजयशिवयन्त्रं, शत्रुनिवारणयन्त्रं, पत्निपतिनिवारणयन्त्रं विशेषतया सिद्धाः भविष्यन्ति।

अतः महाशिवरात्रेः पुण्यदिने जागरणं कृत्वा शिवस्य आराधना कुर्वन्तः सर्वे भक्ताः दिव्यानुग्रहं प्राप्नुयुः। हर हर महादेवः!