*गोसेवासंकल्पेन सह गुञ्जितः ‘सीताराम’ इति जयघोषः, कामधेनुप्रकल्पस्य मासव्यापि-अखण्डसंकीर्तनस्य भव्यशुभारम्भः*

*हल्द्वानी, २५ अक्टोबर् २०२६।* गोसेवा-गोवंशसंरक्षण-सामाजिकजनजागरणरूपपवित्रोद्देश्यसमर्पितेन कामधेनुप्रकल्पेन रविवासरे मासव्यापि-अखण्ड-सीताराम-संकीर्तनमहोत्सवस्य शुभारम्भः श्रद्धा-भक्ति-उत्साहपूर्णे वातावरणे अभवत्। गौलापार-स्थितात् बाघम्बरेश्वरशिवमन्दिरात्, बाग्जालातः प्रारब्धायां भव्यायां कलशयात्रायां स्थानीय-नागरिकाः, श्रद्धालवः तथा विविध-सामाजिक-धार्मिक-संगठनेभ्यः जनाः सोत्साहं भागं गृहीतवन्तः। प्रभुश्रीसीतारामनामस्मरणेन भक्तिमयजयघोषेण च वातावरणम् आध्यात्मिकोल्लासेन परिपूर्णम् अभवत्।

*भक्ति-आस्था-सामाजिकैक्य-सन्देशं वहन्ती कलशयात्रा*

कलशयात्रा बाघम्बरेश्वरशिवमन्दिरात् प्रारभ्य ‘सीताराम-सीताराम, सीताराम’ इति प्रभुश्रीरामनामसंकीर्तनेन भक्तिमय-उद्घोषेण सह चित्रशिला-घट्टं, रानीबागं गत्वा तस्मात् पुनः मन्दिरपरिसरे आगत्य सम्पन्ना अभवत्। यात्रायां सम्मिलितैः श्रद्धालुभिः भजन-कीर्तन-सामूहिकनामसंकीर्तन-माध्यमेन स्वकीया धार्मिकास्था प्रकटिता। अनेन आयोजनेन गोसेवायाः इव सामाजिकसरोकाः आध्यात्मिकसाधनया सह योजयित्वा जनसहभागिता-सद्भाव-जीवमात्रं प्रति करुणायाः प्रेरकः सन्देशः दत्तः।

कामधेनुप्रकल्पेन आयोजितस्य अस्य महोत्सवस्य उद्देश्यं केवलं धार्मिकानुष्ठानपर्यन्तं सीमितं नास्ति, अपितु अनेन माध्यमेन समाजे गोसेवाभावनायाः दृढीकरणम्, गोवंशं प्रति संवेदनशीलतायाः वृद्धिः, भारतीयसनातनसंस्कृतौ निहितानां जीवदया-लोककल्याण-मूल्यानां जन-जनपर्यन्तं प्रापणम् अपि अस्ति।

*मार्गदुर्घटनासु आहतगोवंशरक्षायै जनजागरणे आग्रहः*

कार्यक्रमे मार्गदुर्घटनासु घायलगोवंशस्य समस्या गम्भीर-मानवीय-सामाजिक-विषयरूपेण उत्थापिता। प्रकल्पेन वाहनचालकेभ्यः निवेदनं कृतं यत् मार्गे गोवंशः दृश्यते चेत् विशेषसावधानतां भजेरन्, वाहनगतिं नियन्त्रयेयुः, यातायातनियमान् च पालयेयुः। अल्पा सतर्कता अपि कस्यचिद् मूकजीवस्य जीवनरक्षणे महत्त्वपूर्णां भूमिकां भवितुं शक्नोति।

प्रकल्पेन सर्वकारं सम्बद्धप्रशासनिकविभागान् च प्रति अपि आग्रहः कृतः यत् दुर्घटनासु आहतगोवंशस्य कृते त्वरित-उपचार-आपात्कालीनसाहाय्य-सुरक्षिताश्रय-दुर्घटना-निवारणाय प्रभाविव्यवस्थाः प्राधान्येन क्रियेरन्। समाजजनेभ्यः अपि अपील कृतं यत् आहतः असहायः वा गोवंशः दृश्यते चेत् तस्य उपेक्षां विहाय उपलब्धसाहाय्य-सम्बद्धसेवामाध्यमेन तस्य उपचार-सुरक्षायै अग्रेसराः भवेयुः।

*मासं यावत् चलिष्यति संकीर्तनम्, गोसेवासन्देशस्य जन-जनपर्यन्तं प्रापणसंकल्पः*

कामधेनुप्रकल्पसदस्यैः अस्मिन् अवसरे संकल्पः व्यक्तः यत् मासव्यापि-अखण्ड-सीताराम-संकीर्तनेन आध्यात्मिकचेतनाप्रसारेण सह गोसेवा-गोवंशसंरक्षण-जनजागरूकताप्रयासान् अपि निरन्तरं वर्धयिष्यामः। प्रकल्पस्य प्रयासः यत् अधिकाधिकाः जनाः अस्मिन् अभियानेन सह युज्येरन्, गोसेवां च समाजस्य सामूहिकदायित्व-रूपेण स्वीकुर्युः।

प्रकल्पस्य मतम् अस्ति यत् गोवंशसंरक्षणं संवर्धनं च कस्यचिद् एकस्य व्यक्तेः संस्थायाः वा दायित्वं न, अपि तु सम्पूर्णसमाजस्य साझं दायित्वम् अस्ति। भारतीय-नस्ल-गोवंशसंरक्षणम्, गोपालनप्रोत्साहनम्, निराश्रितपशूनां देखभालः, दुर्घटनाग्रस्तगोवंशसाहाय्यं च एतानि कार्याणि येषु सामाजिकसहभागिता अत्यावश्यकी अस्ति।

अनेन गोसेवा-अभियानेन अयं सन्देशः दत्तः यत् धार्मिकास्था तदैव व्यापकं सामाजिकार्थं गृह्णाति यदा सा करुणा-संवेदना-सेवा-रूपेण व्यवहारे अवतरति। ‘गोसेवा-जीवदया-लोककल्याणम्’ इति भावनां केन्द्रे निधाय कामधेनुप्रकल्पेन जनमानसात् अस्मिन् पुण्याभियाने सहभागित्वाय आह्वानं कृतम्।

*सहभागिनः*

अस्मिन् अवसरे कामधेनुप्रकल्पस्य डॉ. कञ्चनतिवारी, डॉ. जगदीशपाण्डेय, डॉ. नीरजजोशी, डॉ. चन्द्रप्रकाश, डॉ. हेमन्तजोशी, पूरनचन्द्रभट्टः, डॉ. मोहितजोशी पर्वतीयः, दिवाकरः, पण्डितः उमेशतिवारी, हरीशचन्द्रपन्तः, भुवनसिंहबिष्टः इत्यादयः प्रकल्पसदस्याः उपस्थिताः आसन्। सर्वैः आयोजने सहभागित्वं कुर्वद्भिः गोसेवा-गोवंशसंरक्षण-सामाजिकजनजागरण-अभियानस्य व्यापकस्तरे अग्रेसरणस्य प्रतिबद्धता व्यक्ता।

कामधेनुप्रकल्पेन आशा व्यक्ता यत् अयं अखण्डसीतारामसंकीर्तनमहोत्सवः आध्यात्मिकसाधनया सह समाजे सेवा-संवेदना-जीवमात्रं प्रति करुणाभावनां च सुदृढां करिष्यति।