संस्कृतसप्ताहस्य विविधकार्याणि अद्य मंगलवासरे पीएमश्रीकेन्द्रीयविद्यालये क्रमांके १, रुड़कीनगरे अभवन्। संस्कृतसप्ताहस्य उद्घाटनं दीपं प्रज्ज्वाल्य देवीसरस्वत्या: सम्मुखे मालाकरणं कृत्वा प्राचार्यमहोदयेन चन्द्रशेखरबिष्टवर्येण उपप्रधानाध्यापिकया संगीताखुराणावर्यया तथा हिन्दी-संस्कृत-शिक्षकैः कृतं ।
प्राचार्यः उपप्रधानाध्यापकश्च छात्रान् संस्कृतक्रियासु भागं ग्रहीतुं प्रोत्साहितवन्तौ। छात्रा: संस्कृतप्रार्थनां संस्कृतदेशभक्तिगीतानि च प्रस्तुतवन्त:। संस्कृतसप्ताहस्य प्रथमदिने हिन्दीशिक्षिका श्रीमती सन्ध्यापवारा, संस्कृतशिक्षिका श्रुतिपालीवाल: च कार्यक्रमस्य नेतृत्वे संस्कृतश्लोकस्य संस्कृतगीतप्रतियोगितायाः च आयोजनं कृतवत्यौ । छात्राः संस्कृतकार्यक्रमे सोत्साहेन भागं गृहीतवन्तः।
