🟰 स्वतन्त्रतादिवसे यथैव प्रधानमन्त्री मोदी राष्ट्रियध्वजस्य उत्तोलनं करिष्यति, भारतीयवायुसैन्यबलस्य “एडवांस्ड लाइट हेलीकॉप्टर” इति उदग्रविमानद्वयं “ध्रुव लाइन एस्टर्न फॉर्मेशन” इति संरचनायां कार्यक्रम स्थले पुष्पवृष्टिं करिष्यति। शोणदुर्गे पुष्पवर्षाया: अनन्तरं प्रधानमंत्री राष्ट्रं सम्बोधयिष्यति ▪️ 🟰 स्वतन्त्रता दिवसस्य अवसरे अद्य प्रात: 7:33 वादने शोणदुर्गस्य प्राचीराद् देशं संबोधयिष्यति प्रधानमन्त्री मोदी, एतद्धि मोदिन: एकादशं स्वाधीनता दिवसीयं राष्ट्रसम्बोधनं भविष्यति▪️ 🟰J&K मध्ये डोडाक्षेत्रे सुरक्षाबलस्य आतङ्किनां च मध्ये सङ्घर्ष:, सेनाया: कैप्टन-पदारूढ: भट: हुतित्वं गत:, एक आतङ्की चापि यमसदनं प्रापित:▪️ 🟰कोलकाता दुष्कर्म-हत्या-प्रकरणस्य विरोधे समस्त-देशस्य महिलाभि: चिररात्रौ कैंडल मार्च इति दीपयात्रा समनुष्ठिता। एतस्यां कैंडल मार्च यात्रायां AIIMS, IIT, IIM, RML सहितानां भूरि अन्येषाम् अपि शीर्ष संस्थानानां कार्यरताः महिला: सम्मिलिताः अवर्तन्त ▪️ 🟰कोलकातायां चिकित्सिकाया: दुष्कर्मानन्तरं हत्याया: प्रकारणे पश्चिमबंगालस्य मुख्यमन्त्री ममता बनर्जी कथयति यत्, रविवासरं(18 अगस्त) यावत्, CBI अभिकरणेन अन्वीक्षणपूरणपूर्वकं दोषिभ्य: मृत्युदण्ड: देय: भविष्यति। अस्माकं कोलकाता आरक्षि बलेन 90% अन्वीक्षणं सम्पूरितम् अस्ति▪️ 🟰 साम्प्रतिके समये इदं चिन्तनमपि दुष्करम् अस्ति यद् भारते क्वचित् तादृशमपि स्थानमस्ति यत्र अद्यावधि त्रिवार्णिको ध्वज: नैव उत्तोलित:, किन्तु एवमस्ति। स्रोतसाम् अनुसारेण, छत्तीसगढस्य नक्सलवादप्रभावितस्य बस्तरक्षेत्रस्य 13 ग्रामेषु अद्य गुरुवासरे ऐदम्प्राथम्येन त्रिवार्णिको राष्ट्रियो ध्वज: उत्तोलयिष्यते। आरक्षिबलस्य अधिकारिभि: एतस्मिन् विषये प्रोक्तं यत् विगतेषु सप्त मासेषु एतेषु ग्रामेषु सुरक्षाबलानां नूतनानां शिविराणां स्थापनाया: पश्चात् क्षेत्रे विकासस्य मार्ग: प्रशस्तीभूत: अस्ति▪️ 🟰 स्वाधीनातादिवसे आरक्षिबलस्य, अग्निशमनस्य, होमगार्ड इति बलस्य नागरिक-सुरक्षा बलस्य (HG&CD ) परिष्कारसेवानां संहत्य 1037 मिता: कार्मिका: वीरतापदकै: सेवापदकैश्च सम्मानयिष्यन्ते। एषा सूचना गृहमन्त्रालयस्य पक्षत: प्रख्यापिता अस्ति▪️

संस्कृत समाचार Follow on X Send an email Last Updated: August 15, 2024

0 1 minute read