२०२६ संवत्वर्षस्य भविष्यवाण्यः- उत्तराखण्ड-ज्योतिषरत्नेन आचार्येण डॉ० चण्डीप्रसाद-घिल्डियाल-दैवज्ञेन प्रकाशिताः
सम्पूर्णस्य विश्वस्य कृते परिवर्तनात्मकः वर्षः न तु भयावह:
देहरादूनम्। उत्तराखण्ड-ज्योतिषरत्नः आचार्यः डॉ० चण्डीप्रसादः घिल्डियालः दैवज्ञः अवदत्— संवत्सरः २०२६ भयावहः न भविष्यति, किन्तु सम्पूर्णस्य विश्वस्य कृते परिवर्तनात्मकः वर्षः भविष्यति। अस्मिन्नेव वर्षे भारतस्य प्रधानमन्त्री श्रीनरेन्द्रमोदी-महोदयस्य नोबेल-पुरस्कार-प्राप्तये वैश्विकस्तरे अनुकूलभूमिकां निर्मातुं शक्यते इति अपि तेन सूचितम्।
केचन ज्योतिर्विदः संवत्सरं २०२६ अतिभयङ्करं भविष्यतीति प्रचारयन्ति, तद्विषये दैवज्ञः स्पष्टं कृतवान् यत्— परिवर्तनकाले समाजे अज्ञातभयः जायते, किन्तु कालक्रमेण समाजः तं परिवर्तनं स्वीकुर्वन् सन्तुलितः भवति। ज्योतिषीयदृष्ट्या अन्तर्राष्ट्रीयजगतः आर्थिकं, सामाजिकं, राजनैतिकं, प्रशासकीयम्, न्यायिकं, प्राकृतिकं च व्यापारिकं परिदृश्यं सम्यक् विवेच्य व्याख्यातम्।
आर्थिकं परिदृश्यम्-
वैश्विके अर्थतन्त्रे महत् उच्चावच: न भविष्यति, अपि तु स्थिरः सुरक्षितः च विकासः अपेक्षितः। अन्ताराष्ट्रीय-मुद्राकोषः (IMF) तथा “गोल्डमैन-सैक्स्-शोधन” इत्यनया संस्थया अनुमानं कृतं यत् वैश्विक-विकासदरः प्रायः ३.५ प्रतिशतं भविष्यति। भारतदेशः २०२६ संवत्सरे प्रायः ७.५ प्रतिशत-जीडीपी-इत्यनया वृद्ध्या विश्वस्य शीघ्रतमे विकसिते प्रमुख-अर्थतन्त्रेषु अग्रणी स्थानं धारयिष्यति। तथापि भू-राजनैतिक-अनिश्चितता, व्यापार-विघ्नाः, मुद्रास्फीतिनियन्त्रणं च प्रमुखाः आर्थिक-सचैतन्या: भविष्यन्ति।
तकनीकि-सामाजिक-परिवर्तनम्-
विज्ञान-वेदान्तयोः गभीरं ज्ञानं धारयन् आचार्यः दैवज्ञः कथयति— कृत्रिम-बुद्धिमत्ता (AI) जीवनस्य सर्वासु दिशासु अधिकं प्रभावं करिष्यति। सामग्री-निर्माणात् आरभ्य ग्राहक-सेवापर्यन्तं AI-प्रयोगः वर्धिष्यते, मानवीय-नियन्त्रणस्य न्यूनता अपि दृश्यते। सामाजिक-माध्यमेषु लघु-दृश्या: उपयोक्तृ-निर्मित-सामग्री (UGC), तथा प्रामाणिकता अधिकं महत्त्वं प्राप्स्यन्ति। निज-समुदायेषु अन्तर्जालतकनीकी जगति च आभासी/वर्धित-वास्तविकता (VR/AR) अधिकं प्रचलिष्यति।
स्वास्थ्य-जागरूकता—
नारी-स्वास्थ्य-विषयेषु, यथा रक्तगुणसूत्रे
-असन्तुलनं, प्रजनन-स्वास्थ्यं च, विशेषं ध्यानं दास्यते, समये परीक्षणस्य आवश्यकता अपि प्रतिपाद्यते।
राजनैतिक-पर्यावरणीय-दौर्बल्यं
भू-राजनैतिक-अस्थिरता, प्राचीन-विश्व-व्यवस्थातः नवीन-व्यवस्थायाः संक्रमणं च निरन्तरं भविष्यति, यस्मिन् अमेरिका-चीनादीनां महाशक्तीनां मध्ये चिन्ता सम्भवति।
जलवायु-परिवर्तनं, जैव-विविधता-क्षयः, सामूहिक-विनाश-अस्त्राणि, तथा सैन्य-निर्णयेषु AI-प्रयोगः– एते २०२६ संवत्सरे मानवतायाः समक्षं महत्तराः समस्या: भविष्यन्ति। गुरुग्रहस्य गत्या राजनीतौ प्रशासनं च अस्थिरता-अवसरयोः सम्भावना वर्तते, अतः धैर्य-विवेकयोः विशेषावश्यकता भविष्यति।
दैवज्ञस्य मतानुसारं २०२६ संवत्सरः परिवर्तनकारी भविष्यति— यत्र तान्त्रिक-प्रगतिः, आर्थिक-स्थैर्यस्य अवसराः च सन्ति, किन्तु वैश्विक-संचेतनेषु सजगता अत्यावश्यकोऽपि भविष्यति।
ज्योतिष-वैज्ञानिकः डॉ० दैवज्ञः वदति— गुरुग्रहस्य प्रभावात् आपणे, राजनीतौ, सामान्य-जीवने च महत्त्वपूर्णाः निर्णयाः, नेतृत्व-परिवर्तनं, प्रशासकीय-कठोरता च सम्भवति।
उच्चपदस्थ-व्यक्तीनां प्रभावः वर्धिष्यते। २०२६ संवत्सरः परिवर्तनस्य वर्षं भविष्यति— पुरातनाः शक्तयः पराजिताः भविष्यन्ति, नवीनाः शक्तयः उद्भविष्यन्ति। सूर्य-चन्द्रयोः संयुक्त-प्रभावेन देशस्य यशः वर्धिष्यते, सेनायाः शौर्यं च दृढं भविष्यति। मूलाङ्क-१, ३, ५, ६, ८ धारकाणां कृते २०२६ संवत्सरः विशेषतः शुभः भविष्यति।
अनेकैः राष्ट्रीय-अन्ताराष्ट्रीय-सम्मानैः विभूषितः आचार्यः डॉ० चण्डीप्रसादः घिल्डियालः दैवज्ञः अवदत्— अस्मिन् वर्षे प्रधानमन्त्री श्रीनरेन्द्रमोदी-महोदयस्य नोबेल-पुरस्कार-प्रदानाय वैश्विक-धरातले अनुकूलतां निर्मातुं शक्यते। तथापि २०२६ संवत्सरः प्राकृतिक-आपदां दृष्ट्या समस्यापूर्णः अपि भविष्यति। भूकम्पाः, अतिवृष्टिः, ज्वालामुखि-विस्फोटाः इत्यादयः सम्भाव्याः सन्ति, अतः केन्द्र-राज्य-सर्वकारैः सतर्कता अवश्यं धारणीया।
