देहली
दिल्लीस्थे आश्रयगृहे मासान्तरे त्रयोदशशिशूनां मृत्युर्भूतः। भविष्यति दण्डाधिकारिपरीक्षणम्।
दिल्ल्यां रोहिणीनगरे आशाकिरणाख्ये आश्रयगृहे अस्मिन् संवत्सरे जुलैमासे त्रयोदशशिशूनां मृत्युवृत्तान्तः समुपस्थितः। तत्र प्रकरणे दिल्लीमन्त्रिण्या आतिश्या आदेशो दत्तो यत् दण्डाधिकारिपरीक्षणं भविष्यति। तथा च अतिरिक्तमुख्यसचिवाद् अष्टचत्वारिंशति होरान्तरे विवरणं याचितम्। प्रतिवेदनानुसारम् आश्रयगृहे अस्मिन् संवत्सरे जनुवरिजूनमासयोर्मध्ये चतुर्दशजनानां मृत्युरभवत्।
