संस्कृतभारतीपञ्जाबप्रान्तन्यासस्य भगवन्वाल्मीकिवाणीप्रचारसभाया: सर्वसमाजसेवासमितिकेन्द्रस्य सामाजिकसंस्कृतिसङ्घस्य च संयुक्ताश्रयेण वाल्मीकिरामायणप्रशिक्षणवर्गस्य आयोजनं जातम्, यस्मिन् जालंधरविभागत: चतुर्स्थानात् १६ प्रतिभागिनः समागताः । वर्गस्य उद्घाटनसमारोहे
सामाजिकसमरसता-उत्तरक्षेत्रप्रमुख: श्रीमान् प्रमोदवर्य:,
राष्ट्रीयस्वयंसेवकसंघस्य जालन्धरविभागप्रचारक: श्रीमान् नवदीपमहोदय:, गौसेवा प्रमुख: श्रीमान् चन्द्रकान्त:, संस्कृतभारतीपञ्जाबप्रान्तमन्त्री श्रीमान् संजीवश्रीवास्तवेन सह समाजस्य गुणाढ्या: जना: समुपस्थिता: आसन् ।
समापनकार्यक्रमे श्रीमान् कुलदीप: अग्निहोत्री पूर्वकुलपतिना सह मुख्यातिथिरूपेण संतश्रीमान् गुरविंदरमहाराज: व्यवराजत् । कार्यक्रमस्य अध्यक्षेन श्रीदिलबीरगिरीजीमहाराजेन आगतानामतिथिनां धन्यवाद: ज्ञापित: । अस्मिन् वर्गे भागगृहीतै: छात्रै: प्रस्तुतिणां प्रदर्शनं कृत्वा जनान् संस्कृतविषये जागरूकतायै संस्कृतेन दूरवाणीवार्ता, संस्कृतेन रामायणश्लोकानां पाठः, समाजे प्रसृतानां धर्मान्तरणादिदोषाणां प्रतिकारार्थं लघुनाटकम् च प्रदर्शितम्।
संस्कृतभारतीपंजाबत: व्यवस्थायां त्रयः शिक्षकाः द्वौ प्रबन्धकौ च उपस्थितौ आस्ताम्, अस्य वर्गस्य वर्गपालक: रविन्द्रगिरीजीमहोदयः तथा च वर्गस्य शिक्षणप्रमुखेन श्रीमान् लक्ष्यशर्मामहोदयेन सह इशान्त:, रजत:, वरुणश्च त्रयः शिक्षकप्रबन्धकाः समुपस्थिता: आसन् ।
समये समये विभिन्नसंस्थानां उत्तरदायीकार्यकर्तारः अपि अस्मिन् वर्गे विशेषतया उपस्थिताः आसन् ।
