संस्कृत भारतीहरियाणा
अखिलभारतीय-सहप्रचारप्रमुखेन श्रीराममहोदयेन फतेहाबादे सम्भाषणार्थिन: सम्बोधिता:
मत्तानानाम्नके ग्रामे स्थिते गुरुकुले वेदमन्दिरे संस्कृतसम्भाषणशिबिरस्य उद्घाटनम् अभवत्
फतेहाबादे संस्कृतसम्भाषणशिविरस्य उद्घाटनं श्रीरामहोदयस्य प्रवासश्च जात:। फतेहाबादस्य मत्तानानाम्नके ग्रामे स्थिते गुरुकुले वेदमन्दिरे संस्कृतसम्भाषणशिबिरस्य उद्घाटनम् अभवत्।
अद्यस्मिन् अवसरे संस्कृतभारत्या: अखिलभारतीय-सहप्रचारप्रमुख: श्रीराममहोदय:, हिसारविभागसंयोजक: शैलेन्द्रमहोदय:, फतेहाबादजनपद-संयोजक: रजवीरमहोदय: गुरुकुलस्य प्राचार्य: सुनीलमहोदय:, आचार्याश्च उपस्थिता: आसन्।
मञ्च-सञ्चालनं जनपद-शिक्षणप्रमुख: सुनीलमहोदय: कृतवान्। गुरुकुलेन आर्यसमाजस्य प्रमुखः ग्रन्थः सत्यार्थप्रकाश: उपहाररूपेण श्रीराममहोदयस्य, शैलेन्द्रमहोदयस्य च स्वागतं कृतम्। शिबिरस्य मुख्यशिक्षक: सुनीलमहोदय: एव भविष्यति। उद्घाटनसत्रे श्रीराममहोदयेन विशेषतया गुरुकुल-छात्रा: निजवचोभिः प्रेरिता:।
