Day: July 13, 2024

🟰 पंजाबस्य लुधियानाया: युवत्या: कनाडा देशे मृत्यु:। लुधियानाया: रायकोट ग्रामस्य लोहटबद्दीति क्षेत्रस्य 23 वर्षीया तनवीर कौर इत्याख्या युवती हृदयाघातेन मृत्युमुपगता। तनवीर कौर: गतवर्षे एव कनाडादेशं गता आसीत् । एषा स्टडी वीजा इति अध्ययनानुमतिपत्रके कनाडा देशं गता आसीत् । सूच्यते यत् कनाडा देशे सा जीविका रहिता अपि आसीत् येन सा अतिशय पर्याकुलिता अवर्तत▪️ 🟰कनाडा-देशे दुरापन्नायां मार्गीयदुर्घटनायां जैतो ग्रामस्य रोड़ीकपूरा इति क्षेत्रस्य वास्तव्यस्य एकस्यैव परिवारस्य सदस्य-त्रयस्य, तेषाम् एकस्य सम्बन्धिनश्च मृत्यु: जात:▪️ 🟰जम्मू काश्मीरस्य बारामूलायां भूकम्पस्य तरङ्गा:, रिक्टर स्केल इति भूकम्प-मापन-यन्त्रेण 4.1 मित: तीव्रतायुत: आसीत् भूकम्प:, न काचिदपि हानि: सूच्यते▪️ 🟰 नेपालदेशे अतिवृष्टिकारणेन एकस्मिन् राजमार्गे दुरापन्ने भूस्खलने बसयानद्वयं त्रिशुलीनद्यां निपतितं विलुप्तञ्च। घटनास्थले उपस्थितानाम् अधिकारिणाम् अनुसारेण, उभयो: बसयानयो: चालकं समेत्य 65 यात्रिण: आरूढा: अवर्तन्त। दुर्घटनायामस्यां सप्त भारतीयानां एकस्य बसचालकस्य च मृत्यु:▪️ 🟰नाइजीरियादेशे द्वि-तलीयं भवनं निपतितम्, 68 छात्रा: मृता: , शताधिकाः छात्रा: ध्वंसावशेषु निपीेडिता:▪️ 🟰 श्रीरामललाभगवत: शरणं प्राप्त: न्यायमूर्ति: CJI चन्द्रचूड:, हनुमान् गढ़ीत्यत्र अपि कृतम् वज्रांगबलिन: पुण्यदर्शनम् ▪️ 🟰 भारतस्य ऐषम: T20 विश्वचषकविजेता दलनायक: रोहित शर्मा विंबलडनस्य रॉयल बॉक्स मध्ये दृग्गोचरित:। असौ तत्र पुरुषैएकलस्पर्धाया: उपान्त्यचक्रीयं द्वन्द्वं विलोकितुं प्राप्त: आसीत् । सप्ताहद्वयपूर्वं बारबाडोसस्य ब्रिजटाउन क्रीडाङ्गणे अन्त्यचक्रीये द्वन्द्वे दक्षिणाफ्रीकादले भारतस्य सप्त धावनाङ्कै: विजयस्य मुख्य क्रीडक: रोहित शर्मा शुक्रवासरे ग्रास-कोर्ट ग्रैंड स्लैम इत्यत्र उपस्थितानां तारकाणां मध्ये मुख्याकर्षणम् आसीत्▪️ 🟰रूसदेशस्य एकं यात्रिविमानं दुर्घटनाग्रस्तं जातम् येन तस्य चालक-दलस्य सदस्यत्रयं पञ्चतां प्राप्तम्। अधिकारिणाम् अनुसारेण विमाने कश्चिदपि यात्री नैव आसीत्▪️

🟰 पंजाबस्य लुधियानाया: युवत्या: कनाडा देशे मृत्यु:। लुधियानाया: रायकोट ग्रामस्य लोहटबद्दीति क्षेत्रस्य 23 वर्षीया तनवीर कौर इत्याख्या युवती हृदयाघातेन मृत्युमुपगता।…

Read More »